Bardh Spahia i kërkon Benet Becit të japë dorëheqjen: Mos u fshih pas Edi Ramës
Ish-kryebashkiaku i Shkodrës, Bardh Spahia i ka kërkuar Benet Becit të dorëheqjen. Përmes një reagimi në rrjetet sociale, Spahia kërkon pasuesit e tij që të largohet nga posti, pasi më 14 Maj përdori bandat për të fituar kryeqendrën e veriut.
“Kreu jozyrtar i shtabit elektoral të Benet Becit është një nga të arrestuarit e SPAK-ut, i cili gjatë fushatës në Shkodër, drejtoi operacionin e blerjeve, manipulimit dhe intimidimit të njerëzve për llogari dhe me porosi të Edi Ramës dhe Benet Becit” , shkruan. ai.
Më tej Bardh Spahia thotë SPAK që i funksionon edhe përgjimet që ka në dorë, sipas Bardhit, pasi ato një thesar që dokumentojnë atë që ai e quan masakër zgjedhore në Shkodër.
“Kam një bisedë dhe për Benet Becin! Të mos fshihet më pas Edi Ramës! Shkodra nuk e meriton dhunimin nga bandat që ti dhe Edi Rama përdorët për të marrë pushtetin. Sot është ajo që ndjejë peshën e turpit edhe atë të ligjit, të heqë dorë nga pushteti…”, vijon ai.
Reagimi i plotë i Bardh Spahisë:
Vendimi i SPAK-ut për të vënë para drejtësisë një strukturë të rrezikshme kriminale me lidhje të forta shtetërore dhe qeveritare, është një veprim i vonuar.
Kreu jozyrtar i shtabit elektoral të Benet Becit rezulton të jetë një nga të arrestuarit e SPAK-ut, i cili gjatë fushatës në Shkodër, drejtoi operacionin e blerjes, manipulimit dhe intimidimit të qytetarëve për llogari dhe me porosi të Edi Ramës dhe Benet Becit. Asgjë pozitive nuk mund t’i vijë Shkodrës nga një ekip i tillë politiko-kriminal, që në bazë të tij ka porositë për vrasje, për blerje votash dhe vjedhje të pasurisë kombëtare. I bëj thirrje SPAK-ut të mos kufizohet vetëm tek hetimi i këtyre veprave të rënda penale. Përgjimet e SPAK-ut janë një thesar që besohet se dokumentojnë masakrën elektorale në Shkodër dhe mënyrën kriminale me të cilën Edi Rama mban pushtetin. SPAK ka detyrimin dhe duhet ta bëjë këtë shërbim historik për vendin!
Kam një bisedë dhe për Benet Becin! Të mos fshihet më pas Edi Ramës! Shkodra nuk e meriton dhunimin nga bandat që ti dhe Edi Rama përdorët për të marrë pushtetin.
Sot është ajo që ndjen peshën e turpshme edhe atë të ligjit, të heqë nga pushteti që nuk i takon dhe që është i dhuruar.
