Tronditëse Në Francë/ 15 Vjeçari Rrëfen Se Vrau Prindërit Dhe Më Pas I Vuri Zjarrin Shtëpisë
Opinioni publik në Francë është tronditur pasi një 15 vjeçar rrëfeu se kishte vrarë prindërit e tij dhe më pas i ka vënë flakën shtëpisë për të fshirë çdo gjurmë të mundshme.
Sipas mediave të huaja, adoleshenti u arrestua në fundjavë pasi pranoi para policisë se kishte kryer krimin makabër.
![Foto Policia Franceze](https://i0.wp.com/kanal24.top/wp-content/uploads/2023/12/Screenshot_20231205-184338_Chrome-1.jpg?resize=300%2C179&ssl=1)
I riu është larguar menjëherë pas ngjarjes me makinën e të atit. Pasi policia ka rënë në gjurmët e makinës, kanë bërë të mundur ndalimin e 15 vjeçarit, i cili pranoi se ishte autori i krimit.
Ai i qëlloi prindërit me një pushkë, armë në pronësi të babait të tij që ushtronte qitje sportive.
Nga dëshmitë e mbledhura, familja e djalit ishte një “familje normale, si gjithë të tjerat”. Familjarët kanë thënë se ai nuk kishte shfaqur kurrë shenja nervozizmi apo padurimi.
Adoleshenti, i akuzuar për vrasje të dyfishtë dhe zjarvënie, aktualisht është i mbyllur në një seksion për të mitur të një qendre paraburgimi.