Kishte rënë në kurth, shpëtohet ariu në një nga pyjet e Kosovës
Agjencioni për Mbrojtjen e Mjedisit të Kosovës ka njoftuar se dje është shpëtuar një ari i cili kishte rënë në kurth.
Sipas njoftimit, ariu pas shpëtimit është në gjendje të mirë shëndetësore dhe është kthyer i lirë në habitatin e tij natyrorë, shkruan Arbresh.info.
‘Si rezultat i bashkëpunimit të ngushtë dhe koordinimit në mes të Ministrisë së Mjedisit, Planifikimit Hapësinor dhe Infrastrukturës me Pyllin e Arinjve në Prishtinë, Federatën e Gjuetarëve të Kosovës dhe Policinë e Kosovës, dje është realizuar një aktivitet i përbashkët për të shpëtuan një ariun (Ursus arctos) i cili kishtë rënë në kurthë. Ariu pas shpëtimit është në gjendje të mirë shëndetësore dhe është kthyer i lirë në habitatin e tij natyrorë.”, thuhet në njoftim.
“Vendosja e qëllimshme e kurthave është në kundërshtim me ligjet në fuqi dhe i denueshme si aktivitet.”, thuhet tutje./Arbresh.info/
