“2024 më gjeti në punë”,polici: Në orën 00:00 bëra gëzuar me kolegun, jo me familjen

Specialisti i trafikut rrugor Gerhard Baka tha në “Good Morning Albanians”, se viti  2024 e gjeti në krye të detyrës.

Ai e priti ndërrimin e viteve në sheshin Skënderbej, por ndryshe nga gjithë të tjerët nuk kishte pranë familjen për të bërë gëzuar, por kolegët e tij të policisë.

“E festuam në sheshin “Skënderbej”, por në kryqëzim. Kishte dyndje nga ora 23:30 deri në orën 3:00 të mëngjesit, ka qenë e mbipopulluar dyndja në rrugët e unazës së vogël  dhe në sheshin “Skënderbej”.

Kjo solli një lloj kaosi për të gjetur parkime. Na u desh pak deri në orët e para të mëngjesit për të normalizuar situatë. Unë kisha dy punonjës policie aty te bashkia, me ata bëra gëzuar. Familjen e mora me video-call”,-tha polici./euronews.al